සිංදු කිය කියා මොණරාගල මුර කරන්න

යුද්දේ ඌවට ඇවිත්
කොළඹ බෝම්බ පිපිරෙන කොට
අපි පියෑඹුවේ මොණරාගලට.
ඔන්න දැන් එහේ මිනිස්සු මරනවාලු.
දැන් කොළඹ මොණරාග‍ලට වඩා
ආරස්සාව තියනවා වගේ.
කිලිනොච්චියේ ඉඳන් පයින්ම කැළේ ඇවිත්
මිනිස්සු මරන්ට කොච්චර තරහක් ඕනෙලුද?
ඒ කියන්නේ ඒ තරම් තරහවක් ඇතිවෙනදේ
සිද්ධ වෙනවා එහේ,
දැන් ටීවී එකේ පෙන්නන්නේ යුද්දේ විතරයි
සුපර් ස්ටාර්ලා නැති හින්දා හරිම දුකයි
ඔය සුපර් තරඟෙට පෝලිමේ ආපු
පැරදිලා ගියපු අය
හමුදාවට බඳවාගෙන දාන්ත තියෙන්නේ
සිංදු කිය කියා මොණරාගල මුර කරන්න
පස්සේ ඕනෑනම් බැරියෑ
තාරකාවක් හදන්න
හී...

මේ සටන් විරාමයක් තිබ්බද ?"

අපිට ඉස්කෝලේ නිවාඩු තිබ්බා
ඉතිං අපි හැම තැනම ගියා
රචනා ලීවේ නෑ
නිවාඩුව ඉවර උන ගමන්ම
මේ ලියන්නේ
මිනිස්සු හැම තැනම පුදුම විදියට කතාව
අන්න සටන් විරාමය අතෑරලාලු!

"මේ සටන් විරාමයක් තිබ්බද ?"
අපේ කපුටු ආත්තම්මා කපුටු ආතාගෙන්
ඇහුවේ එහෙමයි...
"ඔය චිත්‍තර පටිවලත් දාන්නේ
විරාමය කියලා අතරමැදදී,
පස්සේ ආයේ පටන්ගන්නේ නැතෑ
සටන් සමග ගීත කතාව"
ආතා කිව්වේ ..
කෝමහරි අන්තිමේදී දුශ්ටයා
පරදිනවිදියටම තිබ්බොත් හොඳයි
අද්යක්ෂණය කරන්නේ සම සභාපතිලා හින්දා
දුස්ටයා දිනන විදියට කතාව ලියලද දන්නෑ
ඒ උනාට රඟපාන කට්ටිය
දුස්ටයා පරදින විදියට වෙනස් කරගනී
විරාමේදී පන්දාහක් මැරිලලු
ඕක සටන් විරාමයක් නෙමේ
අලුත් සටන් කරාමයක් කියාලා කවුදෝ කියාපි
ඊ ලඟ රචනේ එනකන් මාත් විරාමයක් ගන්නවා